Back Robert Koch Afrikaans ሮቤርት ኮኽ Amharic Robert Koch AN روبرت كوخ Arabic روبيرت كوخ ARZ Robert Koch AST Robert Koch Aymara Robert Kox Azerbaijani روبرت کوخ AZB Роберт Кох Bashkir
Dr Robert Koch (* 1. Dezämber 1843 z Clausthal; † 27. Mai 1910 z Baade-Baade; mit em vollständige Naame Heinrich Hermann Robert Koch) isch e dütsche Mediziner und Mikrobiolog gsi. Im Koch isch s 1876 glunge, dr Erreeger vom Anthrax (Bacillus anthracis) usserhalb vom e Organismus z kultiwiere und si Lääbeszüklus z beschriibe. Eso isch zum erste Mol d Rolle vom ene Erreeger von ere Chranket bim Entstoo von ere Chrankhet ooni Lugge beschriibe worde. 1882 het er dr Erreeger vo dr Tuberkulose (Mycobacterium tuberculosis) entdeggt und spööter s Tuberkulin entwigglet, wo mä denn felschlig as Häilmiddel aagluegt het. 1905 het er dr Nobelbriis für Füsiologii oder Medizin überchoo. Dr Robert Koch isch näbe sim Konkurränt Louis Pasteur us Bariis e Begründer vo dr modärne Bakteriologii und Mikrobiologii. Er het grundlegendi Biidrääg gmacht zur Infekzionsleer und zum Aufbau vo dr Droopemedizin z Dütschland.